Título  Portugueses no Sur de Lugo. Cidadanía diferenciada nun contexto transnacional
Autor  José Daniel Arias Fernández
Orientadora  Antía Pérez Caramés
Data  2011
Institutição  Universidade da Coruña
Grau  Mestrado
Área  Migrações internacionais
URI  https://fr.scribd.com/doc/82931475/Fin-de-Danil

Resumo 

Os fluxos migratorios entre estados son unha realidade especialmente dinámica e influenciada por múltiples factores de maior ou menor envergadura. Un dos grandes factores de influencia nas migracións entre estados é sen dúbida a veciñanza, por motivos obvios; tamén o son as desigualdades socioeconómicas entre estes, no punto en que conflúen as dúas variábeis, achegamento cultural e territorial, así como desigualdade socioeconómica, nun mesmo caso; o lóxico e o habitual é que se produzan grande número de movementos migratorios dun estado para o outro. Como casos paradigmáticos desta situación, nomeadamente no que se refire a movemento migratorios por situacións de desigualdade económica, podemos destacar os casos dos mexicanos nos E.U.A, os albaneses na Grecia ou os marroquís en España (Moré, 2007). O mesmo acontece cos portugueses no Reino de España; caracterizándo se dun xeito especialmente significativo, e cunhas peculiaridades especiais, na Comunidade Autónoma de Galiza.Galiza é a comunidade con maior proporción de inmigrantes portugueses, polo que este proxecto versará sobre a realidade dos inmigrantes portugueses na Comunidade Autónoma de Galiza, centrándo se máis especificamente nun espazo concreto do territorio, as comarcas de Courel-Quiroga e Terra de Lemos. Estas comarcas, son contiguas e sitúanse nunespazo rural, interior e situado a aproximadamente 100 km da fronteira galegacon Portugal.